3G.A.N © 2013    PRIVACY POLICY

FINO A ‘O CIELO

 

Nun sento cchiù o’ richiammo d’a poesia

Tutto me pare inutile e scuntato

Cu o’ rommore d’e mmachine p’a via

Ogne juorno me pare o stesso a n’ato

L’anelito di scrivere è passato

Era na malatia e me so curato

O’ desiderio ‘e fa’ l’ansia l’affanno

So’ nu turmiento troppo esagerato

E probleme d’o’ munno a famma a’ guerra

L’indiferenza o’ mmale a’ gelusia

Nunn’e’ cunosco cchiù ind’a casa mia

Songhe pariente c’aggio salutato

Mo nun me ‘mporta cchiù d’a primmavera

D’o’ calore ca’ da nu raggio e’ sole

Nun voglio penzà a sciure culurate

A l’aucielle ca cantano l’ammore

Me so stancato e’ chisti fantasie

C’ hanno ‘nguaiato tutta a’ vita mia

Mo voglio sulo fa ‘na cosa e’ sorde

Pe m’accattà ‘na machina importante

‘na mugliera vistosa ed elegante

‘na villa ‘na pelliccia e anche l’amante

e che felicità quando al mattino

tra il forno a microonde e il frullatore

ordinassi il caffè col cellulare

e il cameriere:< A voi, prego signore! >

e a gente, ca si passo ‘mmiez’ a via

se dice < Guarda lla, chillo è importante,

E’ ricco ed è famoso ed è putente,

Vulenno s’accattasse a tutte quante! >

Voglio un altro modello di sviluppo

Soldi e potere, rabbia e decisione

L’amore in fondo è sulo n’opinione

ca ce fa perdere o’ tiempo e ce cunfonne

tu pienze : < O munno è bello! > e te sprufonne

 

 

 

 

 

 

 

 

                                                                         2

 

A me a voglia e’ cantà m’a fatto male

Facennome penzà ca chistu core

Se puteva scurdà de tutte e’ guaie

Sulo dicenno: < A vita è bella assaje! >

Mo basta! Nun o’ voglio guardà o’ cielo

Nun voglio cantà manco na’ canzone

Vogio alluccà, sbarià fa o’ preputente

M’arrampicà, voglio na posizione.

 

Ma mentre scrivo sti parole amare

N’auciello zompettanno sotto o’ sole

Ncoppa a ringhiera fora a stu barcone

Mentre cu n’uocchio cerca a mullechella,

cu n’ato guarda a me e muvenno a capa

pare ca dice : “ Ohi Se’! Quante penziere

ca tiene nnanze all’uocchie stammatina!

So’  pure lloro lacreme d’ammore

De la rosa de maggio so’ la spina

de la vita lu piso e lu dulore:

Pur’io ca vivo cchiù semplicemente

E ca vaco vulanno senza posa

Nun me pozze fermà, m’aggia stà attiente

E chistu core mai nunn’arreposa

Vulanno dint’all’aria sotto o’ sole

Tengo e’ penziere: o’ nido e’ piccerelle

Dduie frate ‘nchiuse dint’a na caiola…

Eppure quanno po’ doppo vulato

Me ferme e guardo a passarotta mia

Penzo : “ Songo n’auciello furtunato

Pecchè a pozze guardà, pecchè sto ‘cca!”

E nun me ‘mporta si int’a na jurnata

Trovo soltanto ‘na mullica e’ pane

Penz’ a la sciorta d’aver volato oggi

e forze de vulà pure dimane

 

 

 

 

 

 

 

 

 

 

 

 

 

 

 

 

                                                                     3

 

Comunque o tiempo passa: O’ bello  è o’ bello

E o ‘malamente resta o’ malamente

E a o’ tiempo nun le ‘mporta si si’ ricco

O si si’ bello o quanto si’ putente

E o’ juorno vene,  ca o’ tiempo tuoie  fernesce

E se sperdono e’ chiacchiere d’a gente

Fernesce pure a ‘casa cu ll’amante

E a machina e a pelliccia nun so’ niente

Ma la “voglia e ‘ cantà”, quella rimane.

Rimane na’ resella dint’o’ core

p’o’ cielo o’ mare e pe nu’ juorno e ‘festa

E ognuno a tene llà chella canzone

Sulo ca ognuno se ne vo’ scurdà

Penzanno ca si cante po’  o pesone

a’ fine e o’ mese nun se po’ pavà

Però chi tene a’ voce adda cantà

E nun se scampa a nu destino strano

Ca te vo ‘ncoppa o’ munnno a suspirà

Cull’ uocchie ca te guardano luntano.

Pirciò nun te fa cchiù male penziere

E ride e canta e vola ‘nzieme a me

Cu ‘ e sorde può campà comm’a nu rre

Ma a musica te porta  fino  a o’ cielo